ആരാണാ കോലാട്?

മലയാളത്തിന്റെ സര്‍ഗ്ഗ വിസ്മയം മാധവിക്കുട്ടി ഭൗതികമായി ഇല്ലാതായിട്ട് ഒരു മാസം തികയാറാകുന്നു.ജീവിതവും എഴുത്തും ഒരു പോലെ വിവാദങള്‍ക്കു എറിഞു കൊടുത്ത് മലയാളിയുടെ സാംസ്കാരിക സദാചാര അന്ത:സ്സാര ശൂന്യതകളെ ആവോളം പരിഹസിച്ച അവര്‍, പ്രണയത്തിനും ലൈംഗികതയുടെ സര്‍ഗ്ഗാത്മക അനുഭൂതികള്‍ക്കും മുന്നില്‍ വച്ചു മാറാവുന്ന വെറുമൊരു കറുത്ത തുണിത്തുണ്ട് മാത്രമാണു മതം എന്നും മലയാളിക്കു കാണിച്ചു തന്നു. സര്‍ഗ്ഗാത്മകത ഉച്ച സൂര്യനെപ്പോലെ കത്തി നിന്ന കാലത്തെ അവരുടെ എഴുത്തിനെ പിഴച്ച വഴിയായി വിലയിരുത്തിയവര്‍ വാര്‍ദ്ധക്യത്തിന്‍റെ നരയും ചുളിവും അനാസക്തിയുടെ കറുത്ത തുണികൊണ്ട് പുതച്ചു നടന്ന കാലത്തെ വിശുദ്ധ വഴിയായി കൊണ്ടാടുമ്പോഴും നാലാപ്പാട്ടെ കമല ഉള്ളില്‍ കുടു കുടെ ചിരിച്ചിരിക്കാനേ തരമുള്ളൂ. കേരളീയ സമൂഹത്തില്‍ ആഹ്ലാദത്തിന്റെയും വിദ്വേഷത്തിന്റെയും വ്യത്യസ്ത പ്രതികരണങള്‍ ഉയര്‍ത്തിയ മതം മാറ്റമായിരുന്നു മാധവിക്കുട്ടിയുടേത്. തന്റെ എഴുത്തിലെ സര്‍ഗ്ഗാത്മക ആഴങളെ തല തിരിച്ചു മാത്രം മനസ്സിലാക്കിയ കേരളീയ സമൂഹം ഈ മതം മാറ്റത്തെയും അങിനെ തന്നെയാണു മനസ്സിലാക്കിയത്. മതം പോലുള്ള, തൊട്ടാല്‍ പൊള്ളുകയും ആളിക്കത്തുകയും കല്ലേറും പൂച്ചെണ്ടും ഒരു പോലെ ഏല്ക്കേണ്ടി വരികയും ചെയ്യുന്ന വിഷയത്തില്‍ പോലും തന്റെത സ്വത സിദ്ധവും നിഷ്കപടവുമായ ചങ്കുറപ്പോടെ മതമാറ്റപ്രഖ്യാപനം നടത്തിയ അവര്‍, അടുത്ത നിമിഷം തന്റെ ജീവിതത്തിലേക്കു പ്രണയത്തിന്റെറ ഇളകുന്ന കടലുമായി കടന്നു വരുന്ന ചുവന്ന ചുണ്ടുള്ള, തൊപ്പി വച്ച സുന്ദര 'കൃഷ്ണനെ' സ്വപനം കാണുകയായിരുന്നു എന്നു പിന്നീടവര്‍ തന്നെ വെളിപ്പെടുത്തിയിട്ടുണ്ട്.2005 ഫെബ്രുവരി 16 നു അവര്‍ മാതൃഭൂമി വാരാന്ത്യ പതിപ്പില്‍ എ.കെ ബിജുരാജുമായി നടത്തിയ അഭിമുഖത്തില്‍ ഇങിനെ പറഞു: "ഞാന്‍ ഞാന്‍ തന്നെയായിരുന്നു കുറെക്കാലം.അപ്പൊ കുറച്ച് പ്രേമമൊക്കെ വന്നു.കുറച്ചു കാലമായി വിധവയായി ജീവിക്കുന്നു.അങിനെയിരിക്കുമ്പോള്‍ സ്നേഹം തരാന്നു ഒരാള്‍ പറഞു.ഞാനുമൊരു പെണ്ണല്ലെ.അയാളെ വിശ്വസിച്ചു.പെണ്ണിനെപ്പോഴും ഒരു രക്ഷകന്‍ വേണം.അയാള്‍ പറഞു മതം മാറാന്‍‌. ഞാന്‍‌ മാറി.പ്രണയത്തിനുവേണ്ടി എന്തും ത്യജിക്കാന്‍ നമ്മള്‍ തയ്യാറാവില്ലെ?എങ്കിലും അയാള്‍ ഒരു ഭീരുവായിരുന്നു.ഞാന്‍ കാണിച്ച ധൈര്യം അയാള്‍ കാണിച്ചില്ല.എന്നെപ്പോലെ ധീരയായൊരു പെണ്ണിനു ഒരു ഭീരുവിനെ പ്രേമിക്കാന്‍ കഴിയ്യോ?ഞാന്‍ പുലിയാണെങ്കില്‍ അയാളൊരു കോലാടാ....." മാധവിക്കുട്ടിയുടെ എഴുത്തും ജീവിതവും പ്രത്യേകിച്ച് മതം മാറ്റത്തിന്റെ കൂടി വെളിച്ചത്തില്‍ വേണ്ടും വിധത്തിലും അല്ലാതെയും ചര്‍ച്ച ചെയ്യുന്ന ഈ അവസരത്തില്‍, അവര്‍ കോലാടെന്നു വിശേഷിപ്പിച്ച ആ ഭീരുവിനെക്കുറിച്ചു ചര്‍ച്ചചെയ്യാനോ അതാരെന്നു വെളിപ്പെടുത്താനോ അപരന്റെ സ്വകാര്യതകളിലും എന്തിനു കിടപ്പുമുറികളില്പ്പോലും ഒളിക്കാമറകള്‍ വച്ച് രഹസ്യങള്‍ ചോര്‍ത്താന്‍ പാഞു നടക്കുന്ന മാധ്യമപ്പടകള്‍ തായ്യാറാവാത്തതെന്ത്? മലയാള സാഹിത്യത്തിലും ജീവിതത്തിലും വഞ്ചനയുടെ സ്ത്രീ രൂപമായി 'രമണനെ' ചതിച്ച ചന്ദ്രികയെ അടയാളപ്പെടുത്തുന്ന മലയാളിക്ക് മാധവിക്കുട്ടിയോട് വിശ്വാസ വഞ്ചന കാട്ടിയ ഈ 'കോലാടിനെ' അറിയാന്‍ താല്പര്യമില്ലാതെ വരുന്നതിന്റെശ കാരണം അവനെ ഭരിക്കുന്ന ആണ്‍കോയ്മയാണെന്നു വരുമോ? ചതിക്ക് ലിംഗഭേദമുണ്ടോ? ആണായാലും പെണ്ണായാലും ചതി ചതിയല്ലാതാവുമോ? തൊപ്പിയും താടിയും ചുവന്ന ചുണ്ടുമായി കേരളീയ സമൂഹത്തിനു മുന്നില്‍ മാന്യനും ആദരണീയനുമായി വിലസുന്ന ഈ 'കോലാട്' കേരളം കണ്ട എക്കാലത്തെയും സര്‍ഗ്ഗ വിസ്മയത്തോട് ചെയ്ത ചതി ചുമ്മാ വകവച്ചുകൊടുക്കാവുന്നതാണോ? പ്രണയത്തിനു വേണ്ടി ചാവേറാകാനും രക്തസാക്ഷിത്വം വരിക്കാനും ഒരുക്കമായിരുന്നു അവരെന്നറിഞു കൊണ്ടു തന്നെ അവരെ പ്രണയത്തിന്റെ 'ആത്മഹത്യാ മുനമ്പിലേയ്ക്ക്' പ്രലോഭനത്തിന്റെ കറുപ്പു തീറ്റിച്ചു നടത്തിയ ഈ 'മാന്യനു' ആക്ഷേപത്തിന്‍റെയോ പരിഹാസത്തിന്റെയോ ചെറിയൊരു പോറല്‍ പോലുമേല്‍ക്കാതെ കേരളീയ സമൂഹത്തില്‍ വിലസാന്‍ കഴിയുന്നതിന്റെന രഹസ്യം എന്താണു?പ്രണയത്തിന്റെയും ലൈംഗികതയുടെയും ലോകത്ത് പെണ്ണ് ഇരയും പുരുഷന്‍ വേട്ടക്കാരനുമായി കഥകള്‍ ആവര്‍ത്തിയ്ക്കും വിധം ആണ്‍കോയ്മത്തത്തിന്‍റെ അധീശ പരിസരങള്‍ വളര്‍ന്നു പടരുന്ന കേരളീയ വര്‍ത്തമാനത്തില്‍ ‍ മാധവിക്കുട്ടിയുടെ കഥകള്‍ മാത്രമല്ല, അതുപോലെ അവര്‍ ജീവിതം കൊണ്ടും നടത്തിയ പോരാട്ടങളും അതില്‍ അവര്‍ക്കു നേരിടേണ്ടി വന്ന ചതിയും ഒറ്റു കൊടുക്കലുകളുമെല്ലാം ചര്‍ച്ച ചെയ്യപ്പെടേണ്ടതുണ്ട്. പെണ്ണിനോടും ആണിനോടും ഇരട്ടത്താപ്പിന്റെ ആണും പെണ്ണും കെട്ട നപുംസക നിലപാടുകള്‍ സ്വീകരിക്കുന്ന നമ്മുടെ മാധ്യമലോകം ഇനിയെങ്കിലും വെളിപ്പെടുത്തേണ്ടതുണ്ട്, ആരാണീ 'കോലാടെ'ന്ന്. മാന്യതയുടെ തൊപ്പിയും താടിയും ഉരിഞ് ഇയാളുടെ തനി നിറം മാധവിക്കുട്ടിയെയും അവരുടെ എഴുത്തിനെയും സ്നേഹിക്കുന്നവരുടെ മുന്നില്‍ വെളിപ്പെടുത്തേണ്ടത്, സാഹിത്യ ചരിത്രത്തോട് ചെയ്യുന്ന സാമാന്യമായൊരു നീതി മാത്രമാവും.

ന്യൂനപക്ഷ രാഷ്ട്രീയത്തിന്‍റെ മറവില്‍.

മത സാമുദായികതയെ ഇത്രമേല്‍ പ്രീണിപ്പിച്ച മറ്റൊരു തിരഞെറ്റുപ്പ് കേരള ചരിത്രത്തില്‍ ഇതിനു മുമ്പ് ഉണ്ടായിട്ടില്ല.പരസ്പരം മല്‍സരിച്ചാണു ഇടതു വലതു മുന്നണികള്‍ ഈ തിരഞെടുപ്പില്‍ വര്‍ഗ്ഗീയ സാമുദായിക ശക്തികളെ, പ്രത്യേകിച്ച് മുസ്ലിം വര്‍ഗ്ഗീയ സംഘടനകളെ പങ്കുവച്ചെടുത്തത്.വര്‍ഗ്ഗീയ വിരുദ്ധതയുടെയും മതേതര മാനവികതയുടെയും വാചകമടികള്‍ ഒരു വശത്ത് അരങു തകര്‍ക്കുമ്പോള്‍‍ തന്നെയാണിതു സംഭവിക്കുന്നതെന്നത് നമ്മുടെ രാഷ്ട്രീയ നേതൃത്വങളുടെ കാപട്യത്തെ ഒരിക്കല്‍ കൂടി വെളിവാക്കുകയാണു.ന്യൂനപക്ഷ രാഷ്ട്രീയവും അതിന്‍റെ സംരക്ഷണവും ഏറ്റെടുക്കുന്നതില്‍ തങളാണു മുന്നിലെന്നു കാണിക്കാന്‍ ഓരോ മുന്നണിയും വെമ്പല്‍ കൂട്ടുകയും ന്യൂനപക്ഷ രാഷ്ട്രീയത്തിന്‍റെ പേരില്‍ സംഘടിച്ച് സമൂഹത്തെ മതപരമായി വിഭജിക്കാനും സാമൂഹ്യ സാംസാകാരിക പുരോഗതിയെ പിറകോട്ടു നടത്താനും ശ്രമിക്കുന്ന ശക്തികളുമായി പോലും ചങാത്തം കൂടുകയും ചെയ്തിരിക്കുന്നു. ഇത്തരം നടപടികള്‍ വഴി ആത്യന്തികമായി സാമൂഹ്യ പുരോഗതിയ്ക്കേല്ക്കുന്ന അപരിഹാര്യമായ പരുക്കുകള്‍ ഇവരെയൊന്നും വ്യാകുലപ്പെടുത്തുന്നില്ലെന്നത് അല്ഭുതാവഹമാണു.പി.ഡി.പി,ജമാ അത്തെ ഇസ്ലാമി, പോപ്പുലര്‍ ഫ്രണ്ട് (എന്‍.ഡി.എഫ്.) എന്നീ സംഘടനകള്‍ തിരഞെടുപ്പു രാഷ്ട്രീയത്തില്‍ ഓരോരോ മുന്നണികള്‍ക്കൊപ്പം നിന്ന് പരോക്ഷവും പ്രത്യക്ഷവുമായി തിരഞെടുപ്പില്‍ ഇടപെടുമ്പോള്‍ ഇന്നലെ വരെ അവരെക്കുറിച്ച് ഉന്നയിക്കപ്പെട്ടിരുന്ന ആരോപണങളൊന്നാകെ അതുപോലെ വിഴുങുകയും മത നിരപേക്ഷ കേരളം പുലര്‍‍ത്തിവന്ന അവസാന പ്രതീക്ഷകള്‍ പോലും കെടുത്തിക്കളയും വിധത്തില്‍ മുഖ്യധാരാ രാഷ്ട്രീയ കക്ഷികള്‍ മത സാമുദായിക ശക്തികള്‍ക്കു കീഴടങുകയും ചെയ്യുന്ന ദുരന്തക്കാഴ്ചകള്‍ക്കു കേരളം സാക്ഷിയാവുകയാണു.മത നിരപേക്ഷ മുദ്രാവാക്യങളൊ, ഒരു സമൂഹമെന്ന നിലയില്‍ ഇന്ത്യന്‍ ജനതയെ പൊതുവില്‍ ബാധിക്കുന്ന ജീവല്‍ പ്രശ്നങളോ അല്ല, കേരളത്തില്‍ ഇക്കുറി തിരഞെടുപ്പിലെ ചര്‍‍ച്ചാ വിഷയം. മദ്ധ്യേഷാ രാഷ്ട്രീയം മുതല്‍ മത ആചാര അനുഷ്ഠാന വിഷയങളും മറ്റുമാണു ചര്‍ച്ച ചെയ്യപ്പെടുന്നത്. ഇതൊന്നും ഇന്ത്യയിലെയോ കേരളത്തിലെയോ സാധാരണക്കാരന്‍റെ ദൈനം ദിന ജീവിതവുമായി ബന്ധപ്പെടുന്ന വിഷയങളല്ല.മറിച്ച് സാമുദായിക വൈകാരികതയെ കത്തിച്ചു നിര്‍ത്തി തങളുടെ രഹസ്യ അജണ്ടകള്‍ നടപ്പില്‍ വരുത്താന്‍ ശ്രമിക്കുന്ന സുതാര്യ സ്വഭാവമില്ലാത്ത ചില സംഘടനകളുടെ പതിവു വിഷയങളാണു. അത്തരം വിഷയങള്‍ ഒരു പൊതു തിരഞെടുപ്പിലെ മുഖ്യ ചര്‍ച്ചാവിഷയങളാക്കി മാറ്റിയതില്‍ ഇടതു വലതു മുന്നണികളിടെ ഇത്തരം സംഘടനകളോടുള്ള പ്രീണനന നയമാണു കാരണമായത്.മതേതര ജനാധിപത്യ ഇന്ത്യയുടെ പാര്‍ലമെന്‍റിലേയ്ക്ക് മല്‍സരിക്കുന്ന ഒരു മതേതര പാര്‍ട്ടിയുടെ സ്ഥാനാര്‍ത്ഥിയ്ക്കു ശരിയായി നിസ്കരിക്കാനറിയില്ലെന്നത് ഒരയോഗ്യതയായി അബ്ദുള്‍നാസര്‍ മദനി ഉന്നയിക്കുന്നത് ഇടത് സ്ഥാനാര്‍ത്ഥികള്‍ക്കുവേണ്ടി വോട്ടഭ്യര്‍ത്ഥിയ്ക്കാന്‍ നടത്തുന്ന യാത്രയിലാണെന്നത് നിസ്സാരമായി കാണാന്‍ കഴിയുമോ? പിണറായി വിജയനോ സി.പി.എമ്മോ മതേതരത്വത്തിന്‍റെ ഏതളവിലുള്ള കുപ്പായമിടീച്ചാലും മദനിയ്ക്കു മദനിയോളമല്ലാതെ വളരാനാവില്ലെന്നതിന്‍റെ പ്രത്യക്ഷ ഉദാഹരണമാണീ പ്രസ്താവന.മതേതര ബോധമുള്ള ജനങളെയൊന്നാകെയും ഇന്ത്യന്‍ ജനാധിപത്യത്തിന്‍റെ ആണിക്കല്ലായ മതേതര ആശയത്തെ തന്നെയും പരിഹസിക്കും വിധം ആചാരപരമായി പ്രാര്‍ത്ഥിയ്ക്കാനറിയുക എന്നത് ഇന്ത്യന്‍ പാര്‍ലമെന്‍റിലെത്താനുള്ള യോഗ്യതയാണെന്നു, അല്ലെങ്കില്‍, ആചാരപരമായ പ്രാര്‍ത്ഥനയറിയാത്ത ഒരാള്‍ ഇന്ത്യന്‍ പാര്‍ലമെന്‍റിലേയ്ക്കു തിരഞെടുക്കപ്പെടാന്‍ യോഗ്യയോ യോഗ്യനോ അല്ലെന്നു അബ്ദുള്‍ നാസര്‍ മദനി ഇടതു പ്രചാരണ വേദിയില്‍ നിന്നു കൊണ്ടു പറയുമ്പോള്‍ അതു കേരളീയ നവോത്ഥാനവും ആദ്യകാല കമ്മ്യൂണിസ്റ്റ് പ്രസ്ത്ഥാനവും നമ്മുടെ സമൂഹത്തിനു സംഭാവന ചെയ്ത മതനിരപേക്ഷ യുക്തി ചിന്തയ്ക്കുനേരെയുള്ള പരിഹാസം ചൊരിയലാണു. തികച്ചും അനാരോഗ്യകരവും ഒരു പുരോഗമന സമൂഹത്തിനു ഒരിയ്ക്കലും സ്വീകരിക്കാന്‍ പറ്റാത്തതുമായ പലതും‍ എതിര്‍പ്പുകളില്ലാതെ പ്രചരിപ്പിക്കപ്പെടുന്നുണ്ടീ തിരഞെടുപ്പില്‍.മത യാഥാസ്ഥിതിക ശക്തികള്‍ അവരവരുടെ വഴികളില്‍ പണ്ടുമുതലേ പ്രചരിപ്പിച്ചു വരുന്ന കാര്യങള്‍ തന്നെയാണു പലതുമെങ്കിലും അന്നതൊക്കെ മതേതര രാഷ്ട്രീയ കക്ഷികളുടെ ശക്തമായ എതിര്‍പ്പിനു വിധേയമായിട്ടുണ്ട്.മതേതര മാനവിക ആശയങള്‍കൊണ്ട് ഇത്തരം പ്രചാരണങളെ പ്രതിരോധിക്കാന്‍ ഇടതു കക്ഷികളെങ്കിലും അന്നൊക്കെ ശക്തമായി നിലകൊണ്ടിട്ടുണ്ട്. എന്നാല്‍ വോട്ടു ബേങ്ക് രാഷ്ട്രീയത്തിനപ്പുറം സാമൂഹ്യമായ ഉത്തരവാദിത്തങള്‍ നിര്‍ലജ്ജം മറന്നുകളഞ നമ്മുടെ മതേതര രാഷ്ട്രീയ കക്ഷികള്‍ ഇന്നിത്തരം പിന്തിരിപ്പത്തരങള്‍ക്കു കുടപിടിക്കാന്‍ മല്‍സരിക്കുകയാണു. തസ്ലീമാ നസ്രീനും ഈ തിരഞെടുപ്പില്‍ ഒരു ചര്‍ച്ചാവിഷയമായി മാറിയിട്ടുണ്ട്. അവര്‍ ചര്‍ച്ചാവിഷയമായി വരുന്നത് എറണാകുളത്തെ കോണ്‍ഗ്രസ്സ് സ്ഥാനാര്‍ത്ഥി നിര്‍ണ്ണയവുമായി ബന്ധപ്പെട്ടാണു. ആഗോള ഇസ്ലാമിസ്റ്റുകളാല്‍ വേട്ടയാടപ്പെട്ട ഒരു ഇരയോടുള്ള ഐക്യദാര്‍ഡ്ഡ്യമെന്ന നിലയിലോ, അവരെ വേട്ടയാടിക്കൊണ്ടിരിക്കുന്നവര്‍ പുലര്‍ത്തുന്ന അമാനവിക ആശയങള്‍ക്കെതിരെയുള്ള പ്രതിരോധത്തിന്‍റെ രാഷ്ട്രീയം തിരഞെടുപ്പു വേദികളില്‍ ഉയര്‍ത്തിക്കൊണ്ടു വരുന്നതുകൊണ്ടോ അല്ല ഈ ചര്‍ച്ച ഇപ്പോള്‍ മാധ്യമങളിലും തിരഞെടുപ്പു വേദികളിലും നടന്നു വരുന്നത്. പകരം, തസ്ലീമയെ വേട്ടയാടിക്കൊണ്ടി്രിക്കുന്ന ശക്തികളുടെ നിലപാടുകളെ പക്ഷം പിടിച്ചുകൊണ്ടും അവരുടെ വീക്ഷണകോണിലൂടെയുമാണു. ത്സ്ലീമയോടൊപ്പം സൗഹൃദം പങ്കുവയ്ക്കുന്നവരും, ഒന്നിച്ചിരുന്നു ഭക്ഷണം കഴിച്ചവരും അവര്‍ക്കു സ്വീകരണം നല്‍കിയവരുമൊക്കെ പാപികളും കുറ്റവാളികളുമാണു എന്ന വിധത്തിലാണു ചര്‍ച്ചയുടെ പോക്ക്. ഇത്തരം ചര്‍ച്ചകകളെല്ലാം അങു വകവച്ചു കൊടുത്ത മട്ടിലാണു നമ്മുടെ പ്രഖ്യാപിത മതേതരരെല്ലാം ഈ വിഷയത്തില്‍ പുലര്‍ത്തുന്ന മൗനം.തസ്ലീമ നസ്റീനും എം.എഫ്.ഹുസൈനും വ്യത്യസ്ത നിറമുള്ള ഒരേ തരം ഭീകരതയുടെ ഇരകളാണെന്നും അവരെ പിന്തുണയ്ക്കുകയും അവര്‍ക്കു സം രക്ഷണം നല്കുകയും ചെയ്യുക എന്നത് മത നിരപേക്ഷ രാഷ്ട്രീയം ഉയര്‍ത്തിപ്പിടിക്കുന്നവരുടെ പ്രാഥമികമായ കടമയാണെന്നും ഉറക്കെ പറയാന്‍ ഒരു പാര്‍ട്ടിയിലും ആളില്ലാത്താ സ്ഥിതി വന്നിരിക്കുന്നു. ന്യൂനപക്ഷരാഷ്ട്രീയത്തിന്‍റെ മറവില്‍ സംഘടിത മത തീവ്ര യാഥാസ്ഥിതിക ശക്തികള്‍ കേരളീയ പൊതു മണ്ടലം കയ്യടക്കുകയും അധികാര കൊതിമൂത്ത രാഷ്ട്രീയ കക്ഷികള്‍ ഇത്തരം ശക്തികളെ പ്രീണിപ്പിച്ചു നേടാവുന്ന വോട്ടുകളില്‍ കണ്ണു നട്ട് ഇവരുടെ പിന്തിരിപ്പന്‍ തോന്ന്യാസങള്‍ക്കു കുടപിടിക്കുകയും ചെയ്യുക വഴി തിരഞെടുപ്പാനന്തര കേരളം നടന്നടുക്കുന്നത് തികഞ അന്ധകാരത്തിലേക്കാണു.

മരുഭൂമികള്‍ ഉണ്ടാവുന്നത്.

മനുഷ്യത്വത്തിന്റെ അവസാനത്തെ ഉറവയും വറ്റിപ്പോവുകയും വരണ്ട മണലിന്റെ കിരുകിരുപ്പുമാത്രം കേള്‍പ്പിക്കുന്ന അമാനവികതയുടെ മരുഭൂമികള്‍ പിറക്കുകയും ചെയ്യുന്ന അധികാര വ്യവസ്ഥയുടെ ചരിത്ര ഭൂമികയിലാണു ആനന്ദ് തന്റെ മരുഭൂമികള്‍ ഉണ്ടാവുന്നത് എന്ന നോവല്‍ രചിക്കുന്നത്. ഈ കുറിപ്പ് ആ കൃതിയെ അവലംബമാക്കിയുള്ള ഒന്നല്ല. മനുഷ്യര്‍ക്കുള്ളിലും അവര്‍ ജീവിക്കുന്ന സമൂഹത്തിലും വരള്‍ച്ചകളുടെ പലതരം മരുഭൂമികള്‍ ഉദയം ചെയ്യുന്നതിന്‍റെ ആപത്തിനെ ഓര്‍മ്മപ്പെടുത്തിക്കൊണ്ട് നമ്മുടെ മുഖ്യമന്ത്രി സഖാവ് വി.എസ്.അച്യുതാനന്ദന്‍ നടത്തിയ പുതിയ പ്രസ്താവനയാണീ കുറിപ്പിനാധാരം. പിണറായി വിജയന്‍ നയിച്ച നവ കേരള യാത്രയ്ക്കിടെ കേരളമാകെ ചര്‍ച്ചചെയ്യുകയും കാറ്റഴിഞ ബലൂണ്‍ പോലെ ആന്‍റി ക്ലൈമാക്സില്‍ ഒടുങുകയും ചെയ്ത വിവാദങളുടെ തുടര്‍ച്ച എന്ന നിലയിലയിലാണീ പ്രസ്താവന പൊതുവെ കൈകാര്യം ചെയ്യപ്പെടുന്നത്. പിണറായി ശംഖുമുഖത്ത് അച്യുതാന്ദനെ ലക്ഷ്യം വച്ച് നടത്തിയ 'ബക്കറ്റില്‍ കോരിയ കടല്‍ വെള്ള' ഉപമയ്ക്കുള്ള മറുപടി എന്ന നിലയില്‍ 'വിഭാഗീയത' യുടെ അമിട്ടുപൊട്ടലായി ഈ പ്രസ്താവനയെ ലളിതവല്‍ക്കരിച്ച് ആഘോഷിക്കുകയാണു നമ്മുടെ മാധ്യമങള്‍.വളരെ ലളിതവും ഉപരിപ്ലവവുമായ വിവാദങള്‍ക്കപ്പുറത്തേയ്ക്ക് വിഷയങളെ ചര്‍ച്ചയ്ക്കെടുക്കുന്നതില്‍ പൊതുവെ തല്പരരല്ല മലയാളികള്‍. മലയാളിയുടെ ഇത്തരം പൈങ്കിളി അഭിരുചികളെ നന്നായി അറിയുന്ന മാധ്യമങള്‍ അവന്‍റെ വിശ്രമവേളകളെ ആനന്ദ ദായകമാക്കാന്‍ ന്യൂസ് അവര്‍ പാക്കേജുകള്‍ പലരൂപങളിലും ഭാവങളിലും വിളമ്പി നല്‍കാറുമുണ്ട്. ഇതിനപ്പുറത്തേയ്ക്ക്, മലയാളി സ്വത്വത്തിന്റെ കാപട്യത്തെ പൊളിച്ചുപണിയാനോ പിടിച്ചുലയ്ക്കാനെങ്കിലുമോ കഴിയുന്ന ചോദ്യങളോ ചര്‍ച്ചകളോ എവിടെനിന്നും ഉന്നയിക്കപ്പെടാറോ അഥവാ ഉന്നയിക്കപ്പെട്ടാല്‍ തന്നെ അത് ഗൗരവപൂര്‍വ്വം ചര്‍ച്ച ചെയ്യപ്പെടാറോ പതിവില്ല. നമുക്ക് പഥ്യം കേവല ചര്‍ച്ചകള്‍ മാത്രമാണു.ലോക ചരിത്രത്തിലെ വലിയ ദുരന്തങളിലൊന്നാണു സോവിയറ്റ് യൂണിയന്‍റെ പതനം. സോവിയറ്റാനന്തര ലോക ക്രമത്തില്‍ സാമ്രാജ്യത്വം ലോക പോലീസ് വേഷത്തില്‍ നടപ്പിലാക്കിയ തന്നിഷ്ടങള്‍ എന്തെന്തു ദുരന്തങളിലേയ്ക്കാണു വര്‍ത്തമാന ലോകത്തെ കൊണ്‍ടു ചെന്നെത്തിച്ചതെന്നു നാമെ‍ല്ലാം പ്രത്യക്ഷമായും പരോക്ഷമായും അനുഭവിച്ചു തന്നെ അറിയുന്നുണ്ട്.സോവിയറ്റ് കമ്മ്യൂണിസ്റ്റ് പാര്‍ട്ടിയുടെ നേതൃനിരയെ തന്നെ വിലയ്ക്കെടുക്കാന്‍ കമ്മ്യൂണിസ്റ്റ് വിരുദ്ധ ശക്തികള്‍ക്കു കഴിഞു എന്നതായിരുന്നു ആ പാര്‍ട്ടിയേയും മഹത്തായ ആ രാജ്യത്തെയും ദയനീയമായ അന്ത്യത്തിലേക്കു നയിച്ചതിന്‍റെ ഒരു കാരണം.സോവിയറ്റ് യൂണിയന്‍ എന്ന മഹാസമുദ്രത്തെ വറ്റിച്ച് മരുഭൂമിയാക്കിയ അന്നത്തെ അവിടത്തെ പാര്‍ട്ടി നേതൃത്വത്തെ ഇന്നത്തെ കേരളീയ സാഹചര്യങളില്‍ ഉദാഹരിക്കുന്ന തലമുതിര്‍ന്ന കമ്മ്യൂണിസ്റ്റ് നേതാവു കൂടിയായ ,അച്യുതാന്ദന്‍ യഥാര്‍ത്ഥത്തില്‍ കേരളീയ സമൂഹത്തിനു മുന്നില്‍ വയ്ക്കാന്‍ ശ്രമിയ്ക്കുന്ന അതി ഗൗരവമേറിയ ഒരു വിഷയത്തെ അതിന്‍റെ ആ ഗൗരവത്തോടെ തന്നെ ഏറ്റെടുത്ത് ചര്‍ച്ച ചെയ്യുന്നതിനു പകരം കുറ്റിയില്‍ തളച്ച പശുവിനെ പോലെ ഗ്രൂപ്പ് രാഷ്ട്രീയത്തിലെ ചക്കളത്തിപോരിന്‍റെ പരിസരങളില്‍ വട്ടം‍ കറക്കുകയാണു

നമ്മുടെ മാധ്യമങള്‍.എന്തു തന്നെ കുറവുകളുണ്ടെങ്കിലും കേരളത്തില്‍ ഒരു സിവില്‍ സൊസൈറ്റി (പൊതു സാമൂഹ്യ ഇടം) നില നില്‍ക്കുന്നതിന്‍റെ പ്രധാന കാരണം സി.പി.എം ന്‍റെ സജീവ സാന്നിധ്യമാണു.എന്നാല്‍ കേരളത്തിലെ സി.പി.എം നകത്ത് പിടിമുറുക്കി കഴിഞിരിക്കുന്ന പ്രതിലോമ പ്രവണതകള്‍ നേതൃത്വത്തെ തന്നെ മിക്കവാറും വിഴുങിയിരിക്കുന്ന സാഹചര്യത്തില്‍ ആ പാര്‍ട്ടിക്കേല്‍ക്കുന്ന തളര്‍ച്ചയും അത് സൃഷ്ടിക്കുന്ന ശൂന്യതയും കേരളീയ സമൂഹത്തെ നന്മയുടെ നനവു വറ്റിയ മരുഭൂമിയാക്കി തീര്‍ക്കും എന്ന അച്യുതാനന്ദന്‍റെ പരോക്ഷ സൂചനയെ ഗൗരവത്തോടെ വേണം കാണാന്‍.ഇന്ത്യന്‍ കമ്മ്യൂണിസ്റ്റ് പാര്‍ട്ടിയിലെ ദീര്‍ഘകാല പാരമ്പര്യവും സി.പി.എം ന്‍റെ പരമോന്നത സമിതി അംഗത്വവും മുഖ്യമന്ത്രി പദവിയുമെല്ലാം നല്‍കിയ ദീര്‍ഘകാലാനുഭവങളുടെ പശ്ചാത്തലത്തില്‍, കേരളത്തിലെ സി.പി.എം, ഗൊര്‍ബച്ചേവുമാരുടെ പിടിയിലാണെന്ന വി എസി ന്‍റെ പ്രസ്താവനയെ നിസ്സാരവല്‍ക്കരിക്കാനാവില്ല.അത് കേവലം പോരോ പോര്‍ വിളിയോ അല്ല, മറിച്ച് ഒരു രാഷ്ട്രീയ പ്രവര്‍ത്തകന്‍റെ ആശങ്കയും ജാഗ്രതയുമാണു.ആയിരക്കണക്കിനു സാധാരണ മനുഷ്യരുടെ പ്രതീക്ഷയുടെ പേരുകൂടിയാണു സി.പി.എം എന്നത്.അത് അതിന്‍റെ വിപരീത താല്പര്യങളുടെ കൈകളില്‍ അകപ്പെടാതെ നോക്കേണ്ടത് ആ മനുഷ്യരോട് കടപ്പെട്ടിരിക്കുന്ന ഏതൊരു സി.പി.എം.പ്രവര്‍ത്തകന്‍റെയും ഉത്തരവാദിത്തമാണു.പൂര്‍വ്വ കാലത്തും വര്‍ത്തമാനത്തിലും അച്യുതാനന്ദന്‍ നടത്തിയ പല ഇടപെടലുകളും തന്‍റെ വൈക്തിക ഒളി അജണ്ടകള്‍ നടപ്പിലാക്കാന്‍ വേണ്ടിയായിരുന്നെന്ന ആരോപണങളെ പൂര്‍ണ്ണമായും തള്ളിക്കളയാന്‍ കഴിയില്ല എങ്കിലും, അതിന്‍റെ മറവില്‍, അദ്ദേഹം ഉന്നയിക്കുന്ന കാമ്പുള്ള വിമര്‍ശനങളെയും പൊതു സമൂഹവുമായി പങ്കു വയ്ക്കുന്ന ഉല്‍ക്കണ്ഠകളെയും കണ്‍ടില്ലെന്നു നടിക്കാനുമാവില്ല.മത ജാതി മേധാവിത്വ ഹുങ്കിനു കീഴില്‍ തീര്‍ത്തും അസ്വതന്ത്രരായി മുട്ടിലിഴയേണ്ടിവരുന്ന ഒരിരുണ്ട ഭാവിയിലേക്കാവും സി.പി.എംന്‍റെ സമ്പൂര്‍ണ്ണ തകര്‍ച്ച കേരളത്തെ കൊണ്ടു ചെന്നെത്തിക്കുക.സ്വതന്ത്രവും മതനിരപേക്ഷവും ജനാധിപത്യപരവുമായൊരു സിവില്‍ സൊസൈറ്റിയെ സ്വപ്നം കാണുന്ന പുരോഗാമികളായ മുഴുവന്‍പേരുടെയും പൊതുവായ കടമയായി തീര്‍ന്നിരിക്കുന്നു സി.പി.എമ്മിനെ ഗൊര്‍ബച്ചേവുമാരില്‍ നിന്നും മോചിപ്പിക്കുക എന്നത്. അതിനുള്ള സമയം ഇനിയും വൈകിയിട്ടില്ലെന്നാണു തന്‍റെ പ്രസ്താവന വഴി വി.എസ്.അച്യുതാനന്ദന്‍ ആവര്‍ത്തിച്ച് സൂചിപ്പിക്കുന്നത്.

"മാധ്യമം" വഴി ജമാ അത്തുകാര്‍ മലയാളികളിലേയ്ക്ക് ഒളിച്ചു കടത്തുന്നത്.

കപടമായ മാന്യതയുടെയും കൃത്രിമമായ സദാചാരത്തിന്റെയും ഭാവമാണു 'മാധ്യമം' പ്രസിദ്ധീകരണങളുടെ പൊതുവായ മുഖമുദ്ര. മതേതരമായൊരു മാനവികതയുടെ മഹത്വത്തെക്കുറിച്ചുള്ള ബലം പിടിച്ച വര്‍ത്തമാനങള്‍ക്കുള്ളിലും, തിളയ്ക്കുന്ന ലാവ പോലെ ഏത് നിമിഷവും പൊട്ടി ഒലിയ്ക്കാന്‍ പാകത്തില്‍ വര്‍ഗ്ഗീയ ചിന്തയുടെ ചലവും ചോരയും ഉള്ളില്‍ പേറുന്നുണ്ടീ പ്രസിദ്ധീകരണങള്‍.തങള്‍ നിലകൊള്ളുന്നത് പിന്നോക്ക പീഡിത ന്യൂനപക്ഷ വിഭാഗങളുടെ അവകാശങള്‍ക്കുവേണ്ടിയാണെന്നവകാശപ്പെടുന്ന ഈ പ്രസിദ്ധീകരണങള്‍ പക്ഷേ, ഇസ്ലാമിക രാഷ്ട്ര സ്ഥാപനം സ്വപ്നം കണ്ടു പ്രവര്‍ത്തിക്കുന്ന ജമാ അത്തെ ഇസ്ലാമിയുടെ ആശയാടിത്തറയിലാണു പ്രവര്‍ത്തിയ്ക്കുന്നത്.വളരെ ചെറിയ സാമുദായിക പ്രകോപനങളോടു പോലും അനിയന്ത്രിതമായ വൈകാരികതയോടെ വാര്‍ത്തകളെ പൊലിപ്പിച്ചു പ്രതികരിയ്ക്കുകയും, തങളുടെ നിഗൂഡ്ഡ വര്‍ഗ്ഗീയ അജണ്ടയ്ക്കു അനുകൂലമായ ചിന്ത വായനക്കാരില്‍ വളര്‍ത്തിയെടുക്കുകയും ചെയ്യുകയെന്ന തന്ത്രമാണിവര്‍ പൊതുവെ സ്വീകരിച്ചു വരുന്നത്.ആദര്‍ശത്തിന്റെയും മാന്യതയുടെതും എന്നു തോന്നിയ്ക്കുന്ന ഒരു ഭാവം മുഖമുദ്രയായി സൂക്ഷിയ്ക്കുകയും ഇസ്ലാമിക വര്‍ഗ്ഗീയതയ്ക്കും ഭീകരവാദത്തിനും എതിരായി ഉയരുന്ന പ്രതിഷേധങളെയും ചിന്തകളെയും പ്രതിരോധിക്കാനും ദുര്‍ബ്ബലമാക്കാനുമായി, എന്തിനും ഏതിനും കയ്യൊപ്പു ചാര്‍ത്താനും പ്രസ്താവനയിറക്കാനും മാത്രമായി ഉടുത്തൊരുങി എപ്പോഴും തയ്യാറായി നില്‍ക്കുന്ന സാംസ്കാരിക 'കൂലിത്തല്ലുകാരെ' അണിനിരത്തി വായനക്കാരന്റെ സാമാന്യ ബോധത്തെപ്പോലും വെല്ലുവിളിച്ചു കളയും ഇക്കൂട്ടര്‍.സെപ്റ്റംബര്‍ പതിനൊന്നു സംഭവിച്ചപ്പോഴും മാറാട് സംഭവിച്ചപ്പോഴും ജാമിയ നഗറുകള്‍ സംഭവിയ്ക്കുമ്പോഴും നിരവധി ബോംബു സ്ഫോടനങള്‍ നടന്നപ്പോഴുമെല്ലാം, ഇവര്‍ തങളുടെ 'മതേതര,ജനാധിപത്യ, മാനവിക' 'നിലപാടുകളുടെ' തനിനിറം പുറത്തു കാട്ടിയിട്ടുണ്ട്. സംഭവങളുടെ നെല്ലും പതിരും പുറത്തു വരുന്നതിനു മുമ്പെ തന്നെ കുറ്റവാളികളെന്നു കരുതപ്പെടുന്നവരെ വെള്ള പൂശുന്ന സിദ്ധാന്തങള്‍കൊണ്ട് പേജുകള്‍ നിറക്കും.മേല്‍ ചൊന്ന സാംസ്കാരിക കൂലിത്തല്ലു സംഘങളെ പോര്‍ക്കളത്തിലിറക്കും.ഭീകരരേയും നിരപരാധികളുടെ ജീവനെടുത്ത ചാവേറുകളെയും വിശുദ്ധ പദവിയിലേക്കുയര്‍ത്തിയെടുക്കും. മാധ്യമ രംഗത്തെ പതിവു വാണിജ്യ മല്‍സരങള്‍ കൂടാതെ മുസ്ലീം തീവ്രവാദത്തിനു കുട പിടിയ്ക്കുന്ന കാര്യത്തില്‍ തങള്‍ക്കു വെല്ലുവിളിയുയര്‍ത്തുന്ന മറ്റൊരു പത്രം കൂടി രംഗത്ത് വന്നതോടെ 'മാധ്യമം' ഗ്രൂപ്പു പ്രസിദ്ധീകരണങള്‍ കുറച്ചു കൂടി പരസ്യമായി തങളുടെ തനിനിറം പുറത്തു കാട്ടിത്തുടങിയിട്ടുണ്ട്.തീവ്രവാദ മനസ്സുള്ളവരുടെ നേതൃത്വം പരസ്യമായി ഏറ്റെടുത്തുകൊണ്ട് "തേജസ്സ്" രംഗത്തു വന്നപ്പോള്‍, മൃദു നാട്യങളുടെ മുഖം മൂടി തങളുടെ കാലിനടിയിലെ മണ്ണു ചോര്‍ത്തിക്കളയുമെന്നും തീവ്ര-ഭീകരവാദ ആശയങളുടെ ചാമ്പ്യന്‍ പട്ടം ഞങള്‍ ആര്‍ക്കും വിട്ടു കൊടുക്കില്ലെന്നുമുള്ള ഒരു സമീപനത്തിലേക്കു 'മാധ്യമം' മാറിയിട്ടുണ്ട്.അതിനു ലഭിച്ച ഒന്നാന്തരം അവസരമായിരുന്നു ഡല്‍ഹി സ്ഫോടങളും തുടര്‍ന്നുണ്ടായ സംഭവങളും. മാധ്യമം ഗ്രൂപ്പ് പ്രസിദ്ധീകരണങള്‍ക്കു പിന്നിലെ രാഷ്ട്രീയ ശക്തി ഏതാണു എന്നു എല്ലാവര്‍ക്കുമറിയാവുന്നതാണു.ഇസ്ലാമിക രാഷ്ട്ര സ്ഥാപനത്തില്‍ കുറഞ ഒന്നും സ്വീകാര്യമല്ലാത്ത ഒരു മതവീക്ഷണവും ദര്‍ശനവും പുലര്‍ത്തുന്ന ഇന്ത്യന്‍ ഉപഭൂഗണ്ടത്തിലെ ഏറ്റവും വലിയ ഇസ്ലാമിക മത മൗലിക വാദ പ്രസ്ഥാനം. വളരെ തന്ത്രപൂര്‍വ്വം കേരളത്തിന്റെ മാധ്യമ രംഗത്ത് അവര്‍ ഉണ്ടാക്കി എടുത്ത സ്വീകാര്യതയും അതു വഴി അവരുടെ പ്രതിലോമ രാഷ്ട്രീയത്തിന്റെ അസ്പൃശ്യതയെ ഇല്ലാതാക്കി എടുക്കാന്‍ കഴിഞതും കേരളത്തിന്റെ മതേതര പൊതു ഇടത്തെ ദുര്‍ബ്ബലമാക്കിത്തീര്‍ക്കുന്നതില്‍ ചെറുതല്ലാത്ത പങ്കു വഹിക്കുന്നുണ്‍ടെന്ന കാര്യം ഗൗരവതരമായി പരിഗണിക്കപ്പെടാതെ പോകുന്നുണ്‍ട്.'മാധ്യമം' ഗ്രൂപ്പ് പ്രസിദ്ധീകരണങള്‍ കേരളത്തിന്റെ മുഖ്യധാരാ സ്വീകാര്യതയിലേക്കു നുഴഞു കയറിയത്, ഇവിടുത്തെ ചില സാംസ്കാരിക 'എടുക്കാ ചരക്കുകളെ' ശിഖണ്ടികളെപ്പോലെ മുന്നില്‍ നിര്‍ത്തിയാണു. പിന്നോക്ക ദളിത് ന്യൂനപക്ഷ ഐക്യമെന്ന ആശയത്തിന്റെ മറപിടിച്ച്, മലയാളി വായനാ സമൂഹത്തിന്റെ ഇടത് ആഭിമുഖ്യത്തിനിണങുന്ന പദാവലികളും പ്രയോഗങളും വഴി, തങളുടെ വളഞ ചിന്തയുടെ വിഷപ്രയോഗം, കേരളത്തിന്റെ സിവില്‍ സൊസൈറ്റിയെ തകര്‍ക്കും വിധം ഒളിച്ചു കടത്തുകയാണിവര്‍ ചെയ്തു കൊണ്ടിരിക്കുന്നത്.സാമൂഹ്യമായും രാഷ്ട്രീയമായും കാലം പോലും നിരാകരിച്ച പഴയ ചില പല്ലു കൊഴിഞ അതി വിപ്ലവകാരികളാണു ഇവര്‍ക്കു വേണ്ടി പേനയുന്തുന്ന പ്രധാന "കൂലി" കള്‍. ഏതു ഒഴിഞ കസേരയില്‍ കയറിയായാലും ഞെളിയാനൊരവസരം മാത്രം മതി എന്നു കരുതുന്നവര്‍. കാലത്തിന്റെ കടലെടുത്ത് ചീഞഴുകിയ ഇവരുടെ തലച്ചോറില്‍ നിന്നും പുറത്തു വരുന്ന 'ചത്ത' ചിന്തകളുടെ രാവണന്‍ കോട്ട കാണാന്‍ 'മാധ്യമം' പ്രസിദ്ധീകരണങളുടെ താളുകളിലൂടെ മുന്‍ വിധികളില്ലാതെ കടന്നുപോയാല്‍ മാത്രം മതി. വാക്കുകളെ തന്ത്രപൂര്‍വ്വം ഉപയോഗിക്കുന്നതില്‍ 'മാധ്യം' ഗ്രൂപ്പ് പ്രസിദ്ധീകരണങള്‍ കാണിക്കുന്ന കുതന്ത്രം അപാരമാണു.മുസ്ലിം വായനക്കാരില്‍ കഠിനമായ ഇര ബോധം സൃഷ്ടിച്ചെടുക്കാനുതകും വിധത്തിലുള്ള വാര്‍ത്തകള്‍ തിരഞെടുക്കുന്നതിലും മെനഞുണ്ടാക്കുന്നതിലും 'മാധ്യമം' പത്രം കാണിക്കുന്ന അവധാനത പഠനാര്‍ഹമാണു. തങള്‍ ലക്ഷ്യം വയ്ക്കുന്ന ഇസ്ലാമിക രാഷ്ട്രം എന്ന ആശയത്തിനനുകൂലമായി മുസ്ലിം മനസ്സുകളെ പാകപ്പെടുത്തുക എന്ന ഉദ്ദേശ്യത്തോടെ, ഇന്ത്യപോലൊരു ബഹുമത, മതേതര സമൂഹത്തില്‍ മുസ്ലീം സ്വത്വം അപകടത്തിലാണു എന്ന ഭീതി സൃഷ്ടിച്ചെടുക്കാനും അതു വഴി രാജ്യത്തിനകത്ത് മതപരമായ ഉപദേശീയ ചിന്ത വളര്‍ത്തിയെടുക്കാനും ഇവര്‍ നിരന്തരം ശ്രമിയ്ക്കുന്നുണ്ട്.ഭീകരരെ 'പോരാളികള്‍' എന്നു വിശേഷിപ്പിച്ചും, മതേതരരെ കപട മതേതരര്‍ എന്നു വിളിച്ചും, ശരിയായ ഇടതുപക്ഷ നിലപാടു പുലര്‍ത്തുന്നവരെ മതവിരോധികളായി ചിത്രീകരിച്ചും വാക്കുകളെയും പ്രയോഗങളെയും മനോഹരമായി ഒടിച്ചും വളച്ചും തികഞ പ്രൊഫഷനലിസത്തോടെ മത മൗലികവാദത്തിന്റെ വിഷ വിത്തുകള്‍ കേരളീയ മനസ്സുകളില്‍ എങിനെ വിതയ്ക്കാമെന്നും, സോളിഡരിറ്റി, എസ്.ഐ.ഒ, ജി.ഐ.ഒ എന്നിത്യാദി വ്യത്യസ്ത മുഖം മൂടികളിലൂടെ വന്‍ വിളവായി കൊയ്തെടുക്കാമെന്നും കേരളീയ ജമാ അത്തെ ഇസ്ലാമി നന്നായി മനസ്സിലാക്കിയിട്ടുണ്ട്.ആര്‍ക്കും എപ്പോഴും വെറും നക്കാപ്പിച്ചയ്ക്കു വിലക്കെടുക്കാവുന്ന, കാലത്തോടോ സമൂഹത്തോടോ തന്നോടു തന്നെയോ ഉത്തരവാദിത്തമില്ലാത്ത പേനയുന്തികളായ ചില അഭിനവ 'ബുജി' കളുടെ രണ്ടും കെട്ട നിലപാടുകള്‍ ഈ "വിഷച്ചെടികള്‍"ക്കു നല്‍കുന്ന ബൗദ്ധിക ജാഡയും ഇവരുടെ കച്ചവടത്തെ കൊഴുപ്പിക്കാനുള്ള ഉപാധിയായി ഇവര്‍ ഉപയോഗിക്കുന്നുണ്ട്. മുഖ്യധാരാ സമൂഹത്തിന്റെ മതേതര ബോധത്തെ പ്രീണിപ്പിയ്ക്കാന്‍ ഓണത്തിനു പൊതു അവധി നല്‍കിയും ശബരിമല സപ്ലിമെന്റിറക്കിയും നാനാതരം വേഷം കെട്ടലുകള്‍ പരീക്ഷിയ്ക്കുമ്പോഴും ഒളിച്ചു വച്ച വിഷ ദംഷ്ട്രകള്‍ ചിലപ്പോഴെങ്കിലും അറിയാതെ പുറത്തു ചാടുന്നത് , ഇവരുടെ തനി നിറം മനസ്സിലാക്കുന്നതിനു പൊതു സമൂഹത്തിനു സഹായകമായിത്തീരുന്നുണ്ട്.

ഒരു ആള്‍ ദൈവം കൂടി പിറക്കുമ്പോള്‍.

അങിനെ ഒരു ആള്‍ദൈവം കൂടി പിറന്നിരിക്കുന്നു.അല്‍ഫോണ്‍സാമ്മ വിശുദ്ധയായി.വത്തിക്കാനിലെ സെന്റ് പീറ്റേഴ്സ് ബസിലിക്കയില്‍ നടന്ന ചടങില്‍ മാര്‍പ്പാപ്പയാണു വിശുദ്ധയുടെ പദവിയിലേക്കു ഈയമ്മയെ ലിഫ്റ്റ് ചെയ്തത്.ഇനി മുക്കിനു മുക്കിനു രൂപക്കൂടുകള്‍ ഉയരും.മെഴുതിരികള്‍ എരിയും.വിശുദ്ധയാക്കപ്പെട്ടവരോട് മനം നൊന്ത് കരഞപ്പോള്‍ മാഞു മാഞില്ലാതായ മാരക രോഗങളുടെ നെടു നീളന്‍ പട്ടികകള്‍ ഗവേഷണ പ്രബന്ധങളോടൊപ്പം 'പ്രമുഖ' ശാസ്ത്രജ്ഞര്‍ തന്നെ പുറത്തിറക്കും.ആള്‍ ദൈവ വ്യവസായങള്‍ തഴച്ചു വളരുന്നതിനെപ്രതി ധാര്‍മ്മിക രോഷത്തിന്റെ അണക്കെട്ടുകള്‍ പൊട്ടിച്ച് ഗീര്‍ വാണങള്‍ കാളമൂത്രം പോലെ ചറ പറാന്ന് എമ്പാടും തൂവി തെറിപ്പിച്ച് നടന്ന ബുജികളും പത്രപ്രവര്‍ത്തക ശിങ്കങളുമെല്ലാം ഒന്നു രണ്ടു ദിവസമായി ലൈവായും അല്ലാതെയും കാട്ടിക്കൂട്ടുന്ന തോന്ന്യാസങളെ എന്ത് പേരിട്ടാണു വിളിക്കുക? നമ്മുടെ ദൃശ്യ ശ്രാവ്യ അച്ചടി മാധ്യമങളെല്ലാം ഒന്നാകെ ഒരു മഹാസംഭവംപോലെ ഈ ചടങിനെ അവതരിപ്പിക്കുമ്പോള്‍ അതു വഴി സാമൂഹ്യ ബോധത്തിലേക്കു അവര്‍ കടത്തിവിടുന്ന അന്ധവിശ്വാസത്തിന്റെയും അയുക്തിയുടെയും അസംബന്ധങളെക്കുറിച്ച് ആരും ഗൗരവപൂര്‍വ്വം ആലോചിക്കാത്തതെന്ത്? സത്യത്തെയും യുക്തിയെയും കശാപ്പു ചെയ്തായാലും കച്ചവടം കൊഴുത്താമതി എന്നു കരുതുന്ന ഈ വണിക്കുകളൊക്കെയാവും നാളെ മറ്റൊരിടത്ത് കയറിനിന്ന് തകരുന്ന നവോത്ഥാന മൂല്യങളെപ്രതിയും കൊഴുക്കുന്ന ആള്‍ദൈവ വ്യവസായത്തെക്കുറിച്ചും പെരുകുന്ന അന്ധവിശ്വാസത്തെക്കുറിച്ചും ഇവന്റെയൊക്കെ അമ്മയെ കെട്ടിക്കുന്ന ആത്മ വഞ്ചനയുടെ തൊള്ള തുറക്കുക. ശബരിമലയിലെ കര്‍പ്പൂരം കത്തിക്കലിനും മറ്റു പല ഇടങളിലെയും പലതരം തട്ടിപ്പുകള്‍ക്കും "ലൈവ്" ആയി കുട പിടിച്ചും കഞി വച്ചും ബഹുകൃതവേഷമാടുന്ന ഇതേ മാധ്യമത്തമ്പുരാക്കന്മാര്‍ തന്നെയാണു കുറച്ചു നാള്‍ മുന്‍പെ മതമില്ലാത്തൊരു ജീവനെ പുല്ലു തിന്നാത്തൊരു പാഠ പുസ്തക ഏടില്‍ പോലും വച്ചു പൊറുപ്പിക്കുന്നത് ആകപ്പാടെ കുഴപ്പമുണ്ടാക്കും എന്നു നെടു നീളത്തില്‍ ഉപന്യസിച്ചതും തെരുവായ തെരുവെല്ലാം കലുഷമാക്കാന്‍ കുട്ടിക്കുരങന്മാരെ ഇളക്കിവിട്ടതും.എന്തിനധികം പറയണം, സാമാന്യ യുക്തിയെപോലും അപഹസിക്കും വിധത്തിലൊരു അസംബന്ധ ചടങു വഴി ഒരാളെ മരണാനന്തരം വിശുദ്ധയോ വിശുദ്ധനോ ആക്കുന്നതിലെ പ്രതിലോമ ഉള്ളടക്കത്തെ ചെറുതായൊന്നു പ്രശ്നവല്‍ക്കരിക്കാന്‍ ഇവിടുത്തെ ഇടതുപക്ഷത്തിനെങ്കിലും കഴിയാതെ പോകുന്നതിലെ വോട്ട് ബേങ്ക് രാഷ്ട്രീയം അങേയറ്റം അപലപനീയമാണു. ഇനി, എങിനെയാണൊരാളെ കത്തോലിക്കാ സഭ വിശുദ്ധനോ വിശുദ്ധയോ ആക്കുന്നതെന്നു കാണുക.ലോകം മുഴുവന്‍ കണ്ടും കേട്ടും അറിഞ മദര്‍ തെരേസ അക്ഷരാര്‍ത്ഥത്തില്‍ പാവങളുടെ അമ്മയായിരുന്നു.ഉടുക്കാത്തവനും ഉണ്ണാത്തവനും ഉടുപ്പും ഊണും കൊടുക്കുന്നത് എന്നെ ഉടുപ്പിക്കുന്നതിനും ഊട്ടുന്നതിനും തുല്യമാണെന്നു പറഞ കര്‍ത്താനിനോട് മാത്രം കടപ്പെട്ട് ജീവിച്ചവര്‍.ആയിരക്കണക്കിനു അശരണര്‍ക്കും ആലംബഹീനര്‍ക്കും താങും തണലുമായി സേവനപാതയില്‍ അവര്‍ ജീവിച്ചു തീര്‍ത്തത് അക്ഷരാര്‍ത്ഥത്തില്‍ ഒരു യോഗിനിയുടെ ജീവിതമായിരുന്നു.ദൈവമെന്നൊരു പ്രതിഭാസമുണ്ടെങ്കില്‍ അതിന്റെ (ദൈവം നപുംസക് ലിംഗത്തില്‍ പെടാനേ തരമുള്ളു.) ഹൃദയത്തില്‍ ഇടം ലഭിക്കുന്ന പ്രവൃത്തി!!!.എന്നാല്‍ അതൊന്നും മതിയാവുമായിരുന്നില്ല മദറിനു വിശുദ്ധ പദവി നല്‍കാന്‍, കത്തൊലിക്കാ സഭയ്ക്കും മാര്‍പ്പാപ്പയ്ക്കും.!!! ഒടുവില്‍ ഒറീസ്സയില്‍ നിന്നോ മറ്റോ ഉള്ള ആരോ ഹാജരാക്കിയ ഒരു വ്യാജ സത്യവാങ്മൂലത്തിന്റെ പുറത്താണു ആയമ്മയ്ക്കു വിശുദ്ധ പദവി ലഭിച്ചത്!!!. ബ്രദര്‍ തങ്കുവെന്ന 'മനോരോഗി' പോലും പ്രാര്‍ത്ഥിച്ചു രോഗം മാറ്റിയെന്നു സര്‍ട്ടിഫൈ ചെയ്യാന്‍ ഇവിടെ DMO മാര്‍ വരെ ബോര്‍ഡും വച്ചിരിപ്പുള്ളപ്പോഴാണു അല്‍ഫോണ്‍സാമ്മയുടെ 'അല്‍ഭുത' പ്രവൃത്തിയ്ക്കു ആരോ ഒക്കെ സാകഷ്യം പറഞെന്നും പറഞുള്ള ഈ കാടിളക്കല്‍.ലോക സമക്ഷം സ്വജീവിതം രോഗികള്‍ക്കും നിരാലംബര്‍ക്കുമായി സമര്‍പ്പിക്കലോ അതു വഴി ദൈവത്തിന്റെ ഹൃദയത്തിലിടം നേടുകയോ അല്ല, സഭയെ സംബന്ധിച്ച് വിശുദ്ധ പദവിയിലേക്കുയരാനുള്ള മാനദണ്ടം.അതിനു വേണ്ടത് മാജിക്കാണത്രെ!!അല്‍ഭുത പ്രവൃത്തി!ഇനി ഈ വിശുദ്ധ പദവിയിലേയ്ക്കു ഇവരെയൊക്കെ ഉയര്‍ത്തുന്ന യോഗ്യന്‍ ആരെന്നല്ലെ? ഫുട്ബോളിലെ എക്കാലത്തെയും ഇതിഹാസങളിലൊരാളായ ആ കുള്ളന്‍ 'തെമ്മാടി' ഒരു ടി.വി.ഷോയില്‍ പരസ്യമായി ചെറ്റ എന്നു ആഭിസംബോധന ചെയ്ത ദൈവത്തിന്റെ പ്രതി പുരുഷന്‍.സാക്ഷാല്‍ പോപ്പ്!!.കേരളാ കോണ്‍ഗ്രസ്സ് മൊത്തമായും കേന്ദ്ര മന്ത്രിസഭാ പ്രതിനിധികള്‍ ചില്ലറയായും വത്തിക്കാനിലോട്ടു വച്ചു പിടിച്ചതും കേരളത്തെയാകെ 'ലൈവില്‍' നിര്‍ത്തി വത്തിക്കാനില്‍ നിന്നും കര്‍ത്താവിനിരുവശവും കുരിശേറ്റപ്പെട്ട പെരുങ്കള്ളന്മാരെപ്പോലെ ഈ 'വിശുദ്ധ'യ്ക്കിരുപുറവും നിന്നു കെ.എം.മാണിയും പി.സി.ജോര്‍ജ്ജും മറ്റും നടത്തുന്ന വയറിളക്കത്തിന്റെ നാറ്റവുമൊക്കെ സഹിക്കേണ്ടി വരാനും മാത്രം കര്‍ത്താവേ.. ഇത്ര വലിയ പാപം ഞങളെന്തു ചെയ്തു എന്നു ചോദിക്കുക മാത്രമേ തരമുള്ളൂ.

പാര്‍ട്ടി പ്രവര്‍ത്തകന്റെ ലൈംഗിക കുറ്റ കൃത്യവും സി.പി.എം നിലപാടും.

സി.പി.എം. ഓഫീസിലെ പീഡനം: ബ്രാഞ്ച്‌ നേതാവ്‌ അറസ്‌റ്റില്‍ .
കൊയിലാണ്ടി: ബാലസംഘം പ്രവര്ത്തകകരായ മൂന്നു പെണ്കുട്ടികളെ ബ്രാഞ്ച്‌ കമ്മിറ്റി ഓഫീസില്‍ വെച്ചു പീഡിപ്പിച്ച മുന്‍ സി.പി.എം. ബ്രാഞ്ച്‌ സെക്രട്ടറി അറസ്‌റ്റില്‍. വെങ്ങളത്തെ ചീനിച്ചേരി ബ്രാഞ്ച്‌ സെക്രട്ടറി തോട്ടംവയല്‍ കെ.കെ. സുധാകരനെ(55)യാണു കൊയിലാണ്ടി പൊലീസ്‌ അറസ്‌റ്റുചെയ്‌തത്‌.

രണ്ടു മൂന്നു ദിവസമായി വളരെ വ്യാപകമായി പ്രചരിപ്പിക്കപ്പെടുന്ന ഒരു വാര്‍ത്തയാണിതു.പ്രതി സ്ഥാനത്ത് ഒരു സി.പി.എം കാരനാണു എന്നതും അതു വഴി സി.പി.എം നെ അക്രമിക്കാന്‍ ഒരു വഴി തെളിഞു കിട്ടിയിരിക്കുന്നു എന്നതുമാണു ചില മാധ്യമങള്‍ ഈ വാര്‍ത്തയെ അവരുടെ പ്രധാനപ്പെട്ട വാര്‍ത്തകളിലൊന്നുപോലുമാക്കി പൊലിയ്പ്പിക്കുന്നതിന്റെ പ്രധാനകാരണം.കേരളത്തിലെ പുരുഷന്മാരില്‍ മാരകമായി പടരുന്ന ലൈംഗിക വൈകൃതത്തിന്റെ വൈറസുകള്‍ പിഞ്ചു കുഞുങള്‍ക്കുപോലും രക്ഷനല്‍കാത്ത വിധം മാരകമായി വളര്‍ന്നിരിക്കുന്നു എന്നതോ മധ്യ വയസ്സു കഴിഞവരാണു അടുത്ത കാലത്തായി ഇത്തരം ഹീനമായ കുറ്റകൃത്യങളില്‍ ഏര്‍പ്പെടുന്നതെന്ന സത്യം നമ്മില്‍ ഉണ്ടാക്കുന്ന ഭീതിയുടെ ഇരട്ടിപ്പോ അല്ല,വീണു കിട്ടിയ അവസരം മുതലെടുത്ത് തങളുടെ സി.പി.എം വിരോധത്തിന്റെ വരട്ടു ചൊറി സുഖം ഒന്നനുഭവിച്ചു കളയാം എന്ന അകിടിന്‍ ചുവട്ടിലും ചോര തിരയുന്ന പതിവു കൗതുകം തന്നെയാണു ഈ വിഷയത്തിലും മലയാളി മനസ്സിനെ 'പ്രതിനിധീകരിക്കുന്ന' ചില പത്രങള്‍ പ്രത്യേകിച്ചും പിന്തുടരുന്നത്.വഴിവിട്ട ലൈംഗിക മനോ വൈകൃതങള്‍ക്കും ക്രിമിനല്‍ വാസനകള്‍ക്കും ഉടമകളായ ആളുകള്‍ സമൂഹത്തിന്റെ പല മേഖലകളിലും കണ്ടെന്നിരിക്കും.ഒരാള്‍ ഒരു സംഘടനയില്‍ അംഗമാകുന്നതിനു മുന്നോടിയെന്നോണം അയാളിലെ ഇത്തരം വാസനകളെ കണ്ടെത്തുക എന്നതൊന്നും പ്രയോഗികമോ നടക്കുന്നതോ ആയ കാര്യങളല്ല.എന്നാല്‍ ഇത്തരം അധമ പ്രവൃത്തിയിലേര്‍പ്പുടുന്ന ഒരാളെ അയാള്‍ പ്രതിനിധാനം ചെയ്യുന്ന സംഘടനയും (കഥാ നായകനെപ്പോലെ പൊതുപ്രവര്‍ത്തകനാണെങ്കില്‍) അയാള്‍ ജീവിക്കുന്ന സമൂഹവും എവ്വിധം കൈകാര്യം ചെയ്യുന്നു എന്നതിനനുസരിച്ചിരിക്കും ആ സംഘടനയുടെയും സമൂഹത്തിന്റെയും ഗരിമയെ വിലയിരുത്തേണ്ടത്.ഇവിടെയാണു തീര്‍ച്ചയായും സി.പി.എം. മറ്റെല്ലാ രാഷ്ട്രീയപ്പാര്‍ട്ടികളില്‍ നിന്നും സംഘടിത സ്ഥാപനങളില്‍ നിന്നും വ്യത്യസ്തവും മാതൃകാപരവുമാവുന്നത്.പാര്‍ട്ടി പ്രവര്‍ത്തകരെ കമ്മ്യൂണിസ്റ്റ് സദാചാരം പഠിപ്പിക്കുന്നതിലോ (ഹോചിമിനാണെന്നാണോര്‍മ്മ, "കമ്മ്യൂണിസ്റ്റുകാരന്റെ സദാചാര സങ്കല്പം" എന്നൊരു പുസ്തകം തന്നെ എഴുതിയിട്ടുണ്ട്.) രാഷ്ട്രീയ വല്‍ക്കരിക്കുന്നതിലോ ഇന്നു സി.പി.എമ്മിനു താല്പര്യമില്ലെന്നു എല്ലാവര്‍ക്കുമറിയാം.ദ്രുത ഗതിയില്‍ വലതുപക്ഷ വല്‍ക്കരിച്ചുകൊണ്ടിരിക്കുന്ന ആ പാര്‍ട്ടിക്കു ഇന്നും പൂര്‍ ണ്ണമായി ഉപേക്ഷിക്കാന്‍ കഴിയാത്ത ചില ജാഗ്രതകള്‍ നിമിത്തമാണു, ഈ വിഷയത്തിനാധാരമായ സംഭവത്തില്‍ ഉള്‍പ്പെട്ട പാര്‍ട്ടി ഭാരവാഹിയെ ചൂടാറും മുമ്പെ മുന്‍ ബ്രാഞ്ച് സെക്രട്ടറി എന്നു അകിടില്‍ ചോര തേടുന്ന പത്രങള്‍ക്കു പോലും വിശേഷിപ്പിക്കേണ്ടി വന്നത്. കുഞാലിക്കുട്ടി, പ്രായപൂര്‍ത്തിയെത്താത്ത റജീനയെ വ്യഭിചരിച്ചിട്ടുണ്ട് എന്നു തന്നെ കേരളത്തിലെ മഹാഭൂരിപക്ഷവും വിശ്വസിക്കുകയും സംഭവത്തിലെ ഇര തന്നെ അത് പരസ്യമായി വെളിപ്പെടുത്തുകയും ചെയ്തിട്ടും എന്തുണ്ടായി?ലീഗിലെ കിരീടം വയ്ക്കാത്ത രാജാവായി ശിഹാബ് തങളുടെ അനുഗ്രഹാശിസ്സുകളോടെ മുഖ്യധാരാ രാഷ്ട്രീയ രംഗത്ത് ഇപ്പോഴും ഈ 'കുട്ടിയ്ക്കു' വിലസി നടക്കാന്‍ കഴിയുന്നതെന്തുകൊണ്ടാണു?.ബൗദ്ധികമായും രാഷ്ട്രീയമായും സി.പി.എമ്മിനു മുതല്‍ക്കൂട്ടായിരുന്ന സി.ഭാസ്കരനെപോലും ചില സ്ത്രീകളോട് അപമര്യാദയായി പെരുമാറി എന്നതിന്റെ പേരില്‍ പുറത്തു കളയാന്‍ സി.പി.എമ്മിനു രണ്ടാമതൊന്നാലോചിക്കേണ്ടി വന്നിരുന്നില്ല.സദാചാരത്തിന്റെ മൊത്ത വില്പനക്കാരായി സ്വയം അവതരിക്കുന്ന മത സാമുദായിക സംഘടനകളോ ലീഗടക്കമുള്ള മതത്തിന്റെ പേരില്‍ സംഘടിപ്പിക്കപ്പെട്ടിട്ടുള്ള രാഷ്ട്രീയ കക്ഷികള്‍ക്കോ തങളില്പ്പെട്ട ഒരു ക്രിമിനലിനെയോ
സദാചാര വിരുദ്ധനെയോ ഇവ്വിധം കൈകാര്യം ചെയ്യാന്‍ ആവുന്നില്ലെന്നിടത്താണു സി.പി.എം ഇക്കാര്യത്തിലെങ്കിലും വ്യത്യസ്തവും മാതൃകാപരവും ആകുന്നത്.ജീര്‍ണ്ണതയില്‍ നിന്നും ജീര്‍ണ്ണതകളിലേക്കു നിരന്തരം കൂപ്പു കുത്തുന്ന വര്‍ത്തമാന സി.പി.എം നേതൃത്വത്തെ വിമര്‍ശനാത്മകമായി വിലയിരുത്തേണ്ടി വരുമ്പോള്‍ തന്നെ മാര്‍ക്സിസ്റ്റു വിരുദ്ധരുടെ കാടടച്ച വെടിക്കൊപ്പം ചേരാന്‍ നിഷ്പക്ഷ നിരീക്ഷകര്‍ക്ക് ഒരിയ്ക്കലും കഴിയില്ല.

സി.പി.എമ്മും അബ്ദുള്ളക്കുട്ടിയും പിന്നെ ദൈവ വിശ്വാസവും.

പൊതു സ്ഥലത്ത് നടന്ന ഈദ് നമസ്ക്കാരത്തിന്റെ മുന്‍ നിരയില്‍ ഇടം പിടിച്ചുകൊണ്ട് സി.പി.എം. ന്റെ കണ്ണൂര്‍ എം.പി എ.പി.അബ്ദുള്ളക്കുട്ടി പാര്‍ട്ടിയോടും, ഒപ്പം താനൊരു തികഞ മാര്‍ക്സിസ്റ്റാണു എന്നു വിശ്വസിച്ചിരുന്ന പൊതു സമൂഹത്തോടും പറയാതെ പറഞിരിക്കുന്ന സത്യം ഇതാണു. " ഞാന്‍ ആദ്യവും അവസാനവും ഒരു മുസ്ലീമും പിന്നെ മാത്രം ഒരു സി.പി.എം കാരനുമാണു".കൂടാതെ പാര്‍ട്ടിക്കെതിരെയുള്ള ചെറിയൊരു വെല്ലുവിളിയുടെ പ്രകടനം കൂടിയായി ഈ പരസ്യമായ മത ചടങിലെ പങ്കു കൊള്ളലിനെ കാണാം."ഇതിന്റെ പേരില്‍ എനിയ്ക്കെതിരെ നടപടി എടുക്കാനുള്ള ചങ്കൂറ്റമുണ്ടോ നിങള്‍ക്ക്" എന്ന ചോദ്യത്തിന്റെ ശരീര ഭാഷ തികച്ചും പ്രകടമായിരുന്നു കുടുംബ സമേതമുള്ള അബ്ദുള്ളക്കുട്ടിയുടെ പരസ്യമായ പെരുന്നാള്‍ നമസ്ക്കാരത്തിനു.സി.പി.എമ്മില്‍ പ്രവര്‍ത്തിക്കുന്ന ഒട്ടനവധി സാധാരണ കാഡര്‍ മാരിലും നേതൃ നിരയില്‍ പോലും പ്രവര്‍ത്തിക്കുന്ന ചെറുതല്ലാത്തൊരു വിഭാഗത്തിലും ഇന്ന് ദൈവ വിശ്വാസവും മത ആചാര അനുഷ്ഠാനങളില്‍ പങ്കെടുക്കാനുള്ള ത്വരയും വര്‍ദ്ധിച്ചു വരുന്നതായി കാണുന്നുണ്ട്.ഏതു വിശ്വാസമായാലും അതൊന്നും ഏതെങ്കിലും പാര്‍ട്ടിയിലൊ സംഘടനയിലോ അംഗമാവുന്നതോടെ സ്വീകരിക്കപ്പെടേണ്ടതോ അംഗമല്ലാതാകുന്നതോടെ ഉപേക്ഷിക്കപ്പെടേണ്ടതോ ആയ ഒന്നല്ല. എന്നു വച്ചാല്‍, സി.പി.എമ്മില്‍ അംഗമാകുന്നതോടെ ഒരാള്‍ നാളതുവരെ ദൈവമുണ്ട് എന്നാണു വിശ്വസിച്ചിരുന്നതെങ്കില്‍ ആ വിശ്വാസത്തെ ഉപേക്ഷിക്കുകയും, അതുപോലെ തന്നെ സി.പി.എമ്മില്‍ നിന്നു പുറത്തു പോകുമ്പോള്‍ വീണ്ടും ആ പഴയ വിശ്വാസത്തെ സ്വീകരിക്കുകയും ചെയ്യുക എന്ന നിലയിലല്ല കാര്യങള്‍ സംഭവിയ്ക്കുന്നത്.ഒരാള്‍ ഒരു മാര്‍ക്സിസ്റ്റാവുക എന്നതിനര്‍ത്ഥം അയാള്‍ സി.പി.എമ്മില്‍ അംഗമാവുക എന്നല്ല എന്നതുപോലെ തന്നെ സി.പി.എമ്മില്‍ അംഗമല്ലാതാവുന്നതോടെ ഒരാല്‍ മാര്‍ക്സിസ്റ്റല്ലാതെയുമാവുന്നില്ല. മാര്‍ക്സിസം മുന്നോട്ടു വയ്ക്കുന്ന ചരിത്ര ദര്‍ശനം , വൈരുദ്ധ്യാധിഷ്ഠിതവും ചരിത്ര പരവുമായ ഭൗതികവാദമാണു.മത ഗ്രന്ഥങളെ പറ്റി പറയുന്നപോലെ എല്ലാ കാലങളിലേയ്ക്കുമായി എഴുതപ്പെട്ട കുറെ സൂക്തങളുടെ സമാഹാരമല്ല മാര്‍ക്സിയന്‍ ദര്‍ശനം.നാളിതുവരെ ഒരു ബദലും മുന്നോട്ടു വയക്കപ്പെട്ടിട്ടില്ലാത്ത അത്, ചരിത്രത്തെ വ്യാഖ്യാനിക്കാനുള്ള ശരിയും ശാസ്ത്രീയവുമായ ഒരുപാധിയാണു. മതം ഉള്‍പ്പെടെയുള്ള സാമൂഹ്യ സ്ഥാപനങള്‍ സ്ഥലകാല ബദ്ധമായി എങിനെ രൂപം പൂണ്ടു വന്നു എന്നതിനെ സംബന്ധിച്ചും ദൈവ വിശ്വാസമുള്‍പ്പെടെയുള്ള കാര്യങള്‍ പ്രബഞ്ചവും മനുഷ്യനും തമ്മില്‍ നിലനില്‍ക്കുന്ന വൈരുദ്ധ്യങളുടെയും സംഘര്‍ഷങളുടെയും ഇടയില്‍ മനുഷ്യമനസ്സിനു എങിനെ താങായി വര്‍ത്തിക്കുന്നു എന്നും, ഒപ്പം തന്നെ യാത്ഥാ ര്‍ത്ഥ്യങള്‍ക്കു പിന്നിലെ മൂര്‍ത്തമായ കാരണങള്‍ കണ്ടെത്തുന്നതില്‍ നിന്നും മത ദൈവ വിശ്വാസങള്‍ എങിനെ മനുഷ്യനെ (മയക്കിക്കിടത്തി) പിന്തിരിപ്പിക്കുന്നു എന്നും മാര്‍ക്സിസ്റ്റു ദര്‍ശനം പഠിപ്പിക്കുന്നു.മാര്‍ക്സിയന്‍ ചരിത്ര വീക്ഷണത്തിന്റെ ബാല പാഠങളെങ്കിലും പഠിക്കുന്ന ഒരാളെ സംബന്ധിച്ചിടത്തോളം ദൈവം എന്നത് മനുഷ്യന്‍ സൃഷ്ടിച്ച, പ്രബഞ്ച പ്രതിഭാസങളുമായി മുഖാമുഖം നില്‍ക്കേണ്ടി വരുന്ന സാമാന്യ മനുഷ്യന്റെ അതിജീവനത്തിനുള്ള ഒരു താങാണു.അതു കൊണ്ടു തന്നെ വിശ്വാസപരമായി ദൈവം എന്നത് മിത്ഥ്യയാണു എന്നു തിരിച്ചറിയുമ്പോഴും, വിശ്വാസത്തിന്റെ ചരിത്ര പരവും മനശ്ശാസ്ത്ര പരവുമായ കാരണങള്‍ തിരിച്ചറിയുന്നവര്‍ എന്ന നിലയില്‍ സാമാന്യ ജനങളുടെ ദൈവ വിശ്വാസത്തെ ബഹുമാനിക്കാനും വിശ്വാസത്തിനു കാരണമാവുന്ന ചരിത്ര യാഥാര്‍ത്ഥ്യങള്‍ നിന്‍ലനില്‍ക്കുന്നിടത്തോളം ദൈവ വിശ്വാസവും നിലനില്‍ക്കുമെന്ന യാഥാര്‍ത്ഥ്യത്തെ തിരിച്ചറിയാനും ഒരു മാര്‍ക്സിസ്റ്റിനു കഴിയുന്നു.ഇവിടെയാണു അബ്ദുള്ളക്കുട്ടിയും അദ്ദേഹത്തെപ്പോലുള്ള ഒട്ടനവധി "മാര്‍ക്സിസ്റ്റുകളും" എത്രത്തോളം മാര്‍ക്സിസ്റ്റുകളാണ്‍ എന്ന ചോദ്യം ഉയരുന്നത്.സി.പി.എമ്മിനകത്തെ അംഗത്വത്തിന്റെയും ഭരണ വര്‍ഗ്ഗ പാര്‍ട്ടി എന്ന നിലയില്‍ ലഭ്യമാകുന്ന പാര്‍ലമെന്ററി അധികാരത്തിന്റെ ഉന്നത സ്ഥാനമാനങള്‍ കയ്യാളുന്നതിന്റെയും ബലത്തില്‍ സ്വയം മാര്‍ക്സിസ്റ്റായി അവതരിപ്പിക്കുകയും എന്നാല്‍ ഉള്ളിന്റെ ഉള്ളില്‍ പ്രതിലോമ വ്യവസ്ഥയുടെ ജീര്‍ണ്ണതകളും മത ദൈവ വിശ്വാനങളുടെ മാര്‍ക്സിസ്റ്റു വിരുദ്ധ ആശയങള്‍ പു:നരുല്പാദിപ്പിക്കുകയും ചെയ്യുന്ന ഒരു കൂട്ടം പിന്തിരിപ്പന്‍ ഭൂരിപക്ഷത്തിന്റെ കൈയ്യിലാണു ഇന്നു സി.പി.എം അകപ്പെട്ടിട്ടുള്ളത്.പാര്‍ട്ടി അംഗത്വത്തില്‍ എത്തുന്ന ഒരു കാഡറിനെ മാര്‍ക്സിസത്തിന്റെ ബാലപാഠമെങ്കിലും പഠിപ്പിക്കാനോ അതു വഴി മാര്‍ക്സിയന്‍ ചരിത്ര ബോധത്തിലേക്ക് ഉയര്‍ത്തിയെടുക്കാനോ ഉള്ള ശ്രമങളൊന്നും ഇന്നു സി.പി.എമ്മിനകത്ത് നടക്കുന്നില്ല.പകരം എങിനെ വാഴുന്നോരെ വാഴ്ത്താമെന്നും അതു വഴി ബൂര്‍ഷ്വാ ഭരണാധികാരത്തിന്റെ പങ്കു പരമാവധി പറ്റി ജീവിതത്തെ കൊഴുപ്പിക്കാമെന്നുമാണു പുതിയ കാഡര്‍മാര്‍ വര്‍ത്തമാന നേതൃത്വത്തെ നോക്കി പഠിക്കുന്നത്.ഒരു സാധാരണ പാര്‍ട്ടി അംഗത്തിനുണ്ടായിരിക്കേണ്ട മാര്‍ക്സിസ്റ്റ് ബോധം പോലും തനിക്കില്ലെന്നും, ഇ.പി.ജയരാജനും പരിപ്പു വടയും തമ്മിലുള്ള ബന്ധം മാത്രമേ മാര്‍ക്സിസവും താനും തമ്മിലുള്ളൂ എന്നും, താന്‍ ഒരു മാര്‍ക്സിസ്റ്റേ അല്ല എന്നും തന്റെ നടപടിയിലൂടെ അബ്ദുള്ളക്കുട്ടി തെളിയിച്ചിരിക്കുന്നു.ഒപ്പം കുറച്ചു നാളുകള്‍ക്കു മുമ്പ്, എന്ത് കാരണത്തിന്റെ പേരിലായാലും സി.പി.എം ജില്ലാ നേതൃത്വം കൈക്കൊണ്ട തരം താഴ്ത്തല്‍ നടപടിയെ ഈ 'മത പ്രകടനങള്‍' സാധൂകരിക്കുകയും ചെയ്തിരിക്കുന്നു.വെറുമൊരു എസ്.എഫ്.ഐ ക്കാരനില്‍ നിന്നും 'നാലാളറിയുന്ന' അല്‍ഭുതക്കുട്ടിയായി താന്‍ മാറിയതു സി.പി.എമ്മിന്റെ സംഘടിത ശേഷിയുടെ പിന്‍ബലം കൊണ്ടാണെന്ന കാര്യം പോലും പത്തു വര്‍ഷത്തെ പാര്‍ലമെന്ററി പ്രവര്‍ത്തനത്തിലൂടെ കൈവന്ന സാമ്പത്തിക സാമൂഹ്യ വളര്‍ച്ചയുടെ പശ്ചാത്തലത്തില്‍ ഈ അല്‍ഭുതക്കുട്ടി മറന്നു പോയെങ്കില്‍, എന്തു തരം വര്‍ഗ്ഗ ബോധമാണു, രാഷ്ട്രീയ ബോധമാണു സി.പി.എമ്മിലൂടെ ഒരാള്‍ക്കു ഈ കാലത്ത്‍ കൈവരുന്നത് എന്നു മനസ്സിലാക്കുന്നത് രസകരം തന്നെ!!!.മാര്‍ക്സിസത്തിന്റെ കുപ്പായത്തിനകത്ത് മറ്റെന്തൊക്കെയോ താല്പര്യങളുടെ ചെന്നായയാണു ആര്‍ത്തി പൂണ്ടിരിക്കുന്നത് എന്ന യാഥാര്‍ത്ഥ്യം സി.പി.എമ്മിനകത്തെ ഇനിയും അന്യം നിന്നിട്ടില്ലാത്ത മാര്‍ക്സിസ്റ്റുകളെങ്കിലും എത്രയും വേഗം മനസ്സിലാക്കിയാല്‍ നന്ന്.‍